Reale Arena estadioak Prix Versalles for Sports saria jaso zuen 2020an, estadioaren berrikuntzagatik eta sormenagatik, tokiko ondarearen eta energia efizientziaren erakusgarri garbia izateagatik. Futboleko lehen mailako partidetaz gain, ezaguna da diziplina anitzeko estadioa izateagatik, bertan hainbat jarduera egitea ahalbidetzeagatik.

Reale Arena erreferentzia estadioa da, bai estatuan, bai nazioartean. Estadioan dauden espazioek mota desberdineko ekitaldiak toki berezi eta paregabean egiteko aukera ematen dute.

30 espazio desberdin ditu, berezko nortasuna duen eskaintza gastronomiko bat, ideia ugari eta zerbitzu ezin hobea edozein ekitaldi arrakastatsua izan dadin.

NO* : Hain espazio balioaniztunak direnez, kode hori erabiltzen da banaketak beharraren arabera alda daitezkeela adierazteko.

Cateringa: Bokado (esklusibotasunik ez)

Galeria

Lehen Mundu Gerran eraiki zen, Belgikan, Frantzian eta Europako beste herrialde batzuetan ez zelako zaldilasterketarik egiten gatazkaren ondorioz. Kirol-esparrua Alfonso XIII.a erregeak inauguratu zuen, 1916an.

XX. mendearen lehen erdialdean hiriko bizitza sozialerako topagune izan zen, eta, gaur egun, zale ugari biltzen ditu udan egiten diren lasterketetan.

Argazki galeria

María Reparadora ordenako lekaimeen komentuan (1905-2015) dago kokatuta, hiriaren erdi-erdian eta Kontxako hondartzatik gertu.

Erreparadoren komentua Ramón Cortázar arkitektoak diseinatu zuen, hiriko beste eraikin garrantzitsu batzuk bezala, hala nola Artzain Onaren katedralaren dorrea, Arte Ederren antzokia edo Boulevardeko kioskoa. Erabilera askotarako guneak ditu, aldagarriak eta moldaerrazak. Sukaldeko lantalde propioa du.

Argazki galeria

Eduardo Chillidak, Donostian jaiotako eskultore unibertsalak, galderaz beteriko lana egin zuen industria-labeetan, eta, horri esker, eskultoreek eskura dituzten sari ia guztiak irabazi zituen.

Chillida Leku museoa XVI. mendeko Zabalaga baserriaren inguruan dago antolatuta. Eskultoreak berak birmoldatu zuen baserria, haren handitasuna eta funtsa gorde ahal izateko.

Inguratzen duten lorategi handietan, hainbat tamainatako 40 pieza biltzen dira.

Argazki galeria

Basque Culinary Centerrek Gastronomia Zientzien Fakultatea eta Elikadura eta Gastronomia Ikerketa eta Berrikuntza Zentroa biltzen ditu. Eraikinak askotariko ekitaldiak —enpresa-topaketak, biltzarrak, aurkezpenak, etab.— egiteko aukera ematen duten instalazioak ditu, eta, bertan, ekitaldi horiekin batera, lehen mailako gastronomia-jarduerak egin daitezke, nahi izanez gero. Besteak beste,  200 lagunentzako tokia duen auditorio bat du, sukaldaritza-erakustaldiak eta hitzaldiak egiteko; auditorioa azken teknologiez hornituta dago, eta, gainera, sukaldea, itxarongelak eta argazkilaritza-estudio bat ere baditu, besteak beste. Horrez gain, 140 m2-ko erabilera anitzeko areto bat du, bertan erakusketak, enpresa-topaketak, bilerak eta abar egiteko…

Kursaal Kongresu Jauregi eta Auditorioko foyer-ataria argiz betetako agertoki ikusgarria da. Rafael Moneo arkitektoak diseinatutako eraikineko eremu berezi eta enblematikoena den espazio honetan, 1.800 lagunentzako koktelak eta 1.500 lagunentzako bazkariak, oturuntza edo banketeak eta galako afariak ematen dira.

Gipuzkoako Zientzia eta Teknologia Parkeko halla bertako eraikin zentralean dago eta era guztietako ekitaldiak (erakusketak, feriak, ospakizunak, etab.) egiteko erabiltzen da. 605 m2-ko azalerako eta 6,5 metroko altuerako gunea da, 560 m2-ko beirazko gainazalari esker, argi naturala jasotzen duena..

Bost izarreko kategoriako Maria Cristina hoteleko ekitaldi-aretoak orain dela gutxi berritu dituzte Belle Epoque garaiko jatorrizko bikaintasunaren oroigarri, eta ikus-entzunezko goi-teknologiaz hornitu dituzte bertan oturuntzak, koktelak eta bilerak egiteko..

Cottage ingeles estiloko jauregi ikusgarria, leku paregabe eta bikain batean kokatuta dago, Kontxako badian, eta hiriko ikuspegi onenetako bat du. Miramar Jauregia 1893an eraiki zen, Maria Cristina erreginak hala eskatuta, udako egoitza gisa.

Birgaitze integrala egin ondoren, Jauregia abangoardiako egoitza bat da, eta mota guztietako ekitaldiak antolatzeko beharrezkoak diren ekipamendu eta zerbitzu guztiak ditu: konbentzioak, biltzarrak, mintegiak, desfileak, produktuen aurkezpenak, koktelak, oturuntza bereziak edo batzar nagusiak. Era guztietako ekitaldi korporatiboak edo sozialak antolatzeko esparru paregabea.

Argazki galeria

Cristobal Balenciaga diseinatzaile eta jostuna, goi-mailako joskintzako sortzaile garrantzitsuenetakotzat jotzen da. Getaria arrantzale-herrian jaio zen, 1895ean, Donostiatik 29 kilometrora. Bertan dago haren bizitza, lana eta estiloa omentzen dituen museoa.

Balenciagak diseinatutako 5.000 jantzi baino gehiagoko bilduma iraunkorra dago museoan, eta bi gune ditu: Aldamar eraikina, Casa Torreko markesen etxebizitza zaharra, eta kostara ematen duen leihate handia.

Argazki galeria

Ingurune paregabean dago, Donostiako hirigune historikoaren erdi-erdian. San Telmo museoa bi garai historikotako ondoz ondoko bi eraikinetan dago: domingotarren XVI. mendeko komentu batean eta eraikin garaikide batean.

1813an hiriak jasan zuen suteari aurre egin zioten eraikin gutxien artean dago. Aurrerago, udalak erosi zuen, museo bilakatzeko, eta 1932an inauguratu zen. Eraikina zaharberritu ondoren eta, museoak kultur espazio berriak har zitzan, hori handitzeko lan arkitektonikoak egin ondoren, 2011n inauguratu zen berriz San Telmo, Euskal Gizartearen museo gisa.

Argazki galeria

1908an sortu zen, eta Europako museo ozeanografiko modernoenetako bat da gaur egun. 47 espezietako 7.000 arrain daude, eta 360º-ko tunela duen ozeanario handi bat du.

Ez da akuario soil bat; izan ere, Gipuzkoako eta Donostiako itsasoaren historia azaltzen eta testuinguruan jartzen duen erakusketa bat ere badu.

Argazki galeria

Victoria Eugenia erreginak, Alfontso XIII.a erregearen ezkontideak, 1912an inauguratu zuen, eta ordutik hiriko kultur ekitaldi nagusien lekuko izan da. Nazioarteko Zinemaldiaren agertoki nagusia izan zen 2000. urtera  arte, eta bertan jaso dute hainbat ospetsuk saririk handiena, besteak beste, Bette Davis, Lauren Bacallek eta Gregory Peck aktoreek.

900 pertsonarentzako tokia du, areto nagusian ganga ikusgarria nabarmentzen da: Ignacio Ugarte artistaren fresko deigarriek eguzki atera berria irudikatzen dute bertan.

Argazki galeria

Kursaal Kongresu Jauregi eta Auditorioak 5.000 m2-tik gorako kanpo-terraza irekiak ditu, denak ere itsasorako paregabeko ikuspegiarekin eta Urumea ibaiaren bokalearen ondoan, egunez edo gauez kultura-jarduerak, kontzertuak, produktu-aurkezpenak, erakusketak eta koktelak egiteko, besteak beste.

Donostiako Errege Klub Nautikoko eraikin ederrean dago arkitektura arrazionalistaren harribitxi hau, eta kaian dagoen itsasontzi baten antza du. 1929an eraiki zen, eta Interes Kulturaleko Ondare izendatu da berriki, Monumentu kategoriarekin.

Beirazko begiratoki itzeletik Kontxako badiaren ikuspegi ederra dago. Bauhaus estiloko barrualdean, koktel goxoez edo bertako catering ospetsuaz goza daiteke.

Argazki galeria

90 urtez tabako-fabrika izan ondoren, 2015ean ateak ireki zituen berriro Kultura Garaikidearen Nazioarteko Zentro moduan.

Tabako-fabrika honetako langile gehienak emakumeak izan ziren, eta hiriko erreferente sozial bilakatu zen. Fatxada nagusia bere horretan mantendu da, eraikinaren izaera gordetzeko asmoarekin. Hiriko eraikinik handienetako bat da, manufaktura zaharren estiloan eraikia, eta lau patio handiren inguruan.

Argazki galeria